Fréttir 2013



28.08 2013

Nýir félagar: Hraunmörk og Árbakki

Hraunmörk sumarhúsTveir nýir félagar bættust nýlega við flóruna innan Ferðaþjónustu bænda; Hraunmörk og Árbakki. Báðir félagar bjóða gistingu í sumarhúsum á frábærum stöðum á Suðurlandi.
 
Hraunmörk er vel útbúið og nútímalegt sumarhús í umhverfi hrauns og mosa, skammt frá Selfossi. 
Árbakki er notalegt sumarhús staðsett á gróðursælum stað á bökkum Brúarár í Biskupstungum.  

Sjá lista yfir alla nýja félaga á árinu 2013 og alla bæi innan Ferðaþjónustu bænda.
15.08 2013

Í berjamó með Ferðaþjónustu bænda

Í berjamóHið árlega tímabil berjatínslu er að hefjast. Samkvæmt Þorvaldi Pálmasyni, áhugamanni um ber, lítur berjasprettan vel út á Vestfjörðum, Norður- og Austurlandi í ár en síður sunnan - og vestanlands vegna veðurfarsins undanfarið.
 
Margir ferðaþjónustubændur búa yfir góðu berjalandi - hvernig væri að gera vel sig í gistingu, mat og afþreyingu nú síðsumars og fara um leið í berjamó? Sjá hér lista yfir bæi innan Ferðaþjónustu bænda.
 
Við mælum einnig með síðunni Berjavinir.com sem Þorvaldur heldur úti og sem inniheldur fréttir af berjasprettu á mismunandi landsvæðum, leiðbeiningar um sultugerð, uppskriftir og fleira. Góða skemmtun!
13.08 2013

Starfsmaður Ferðaþjónustu bænda á hæsta tindi Evrópu

Hugrún uppi á ElbrusHugrún Hannesdóttir sölustjóri Ferðaþjónustu bænda - Bændaferða náði að klífa hæsta tind Evrópu, Elbrus í Kákasusfjöllum í Rússlandi, í gær mánudaginn 12. ágúst. 
 
Hugrún kleif tindinn ásamt Vilborgu Örnu pólfara og fimm öðrum íslenskum fjallgöngumönnum: Ármanni Guðjónssyni, Bjarna Sólbergssyni, Elínu V. Magnúsdóttir, Elísabetu Sólbergsdóttir og Kristínu H. Sigurbjörnsdóttir. Hópurinn náði á tindinn um klukkan 10:30 að staðartíma eða 6:30 í gærmorgun að íslenskum tíma.

Elbrusfjall (5.642 m) er annar fjallstindurinn í leiðangrinum Tindarnir sjö...