Gistiaðstaða
Boðið er upp á fyrsta flokks gistingu í vel útbúnum herbergjum og íbúðum. Heitur pottur er við öll íbúðarhúsin og gestir í herbergjum hafa einnig aðgang að heitum pottum.
Fjölrása sjónvarp og ókeypis þráðlaust netsamband í öllum herbergjum og íbúðum.
Hundar eru velkomnir með gestum í íbúð (á ekki við um herbergi). Ef um smáhunda er að ræða þá þurfa hundarnir að vera í búri og má ekki vera uppi í sófa eða rúmi.
Veitingar/máltíðir
Veitingastaðurinn Grímsborgir er í senn hlýlegur og glæsilegur. Fjölbreytt morgunverðarhlaðborð. „À la Carte“ matseðill þar sem í boði eru m.a. matarmiklar súpur með heimabökuðu brauði og ljúffengir réttir þar sem lögð er áhersla á nýtt og ferskt íslenskt hráefni. Í íbúðum og húsi er fyrsta flokks eldunaraðstaða í vel búnu eldhúsi og útigrill á verönd.
Þjónusta/afþreying
Á veitingastaðnum er fundaraðstaða fyrir allt að 120 manns. Boðið er upp á nudd á hótelinu. Í næsta nágrenni við Hótel Grímsborgir eru góðar gönguleiðir, hvort sem er á láglendi eða upp til fjalla, og ýmis þjónusta í boði fyrir ferðamenn, hestaferðir, jöklaferðir og ökuferðir um óbyggðir á sérbúnum jeppum. Næstu sundlaugar á Selfossi (13 km) og á Borg í Grímsnesi (17 km). Í Öndverðanesi í Grímsnesi (6 km) er 18 holu golfvöllur. Næsta þéttbýli með verslun og ýmissi annarri þjónstu er Selfoss (13 km).
Gæða- og umhverfisvottun
Hótel Grímsborgir er vottað sem 5 stjörnu hótel af Vakanum sem er opinbert gæða- og umhverfiskerfi fyrir íslensk ferðaþjónustufyrirtæki. Nánari upplýsingar um Vakann.
Friðsæld, náttúrufegurð og norðurljós
Hótel Grímsborgir eru á friðsælum stað, í kjarri vöxnu landi við ána Sog sem rennur úr Þingvallavatni. Af veröndum við húsin er fagurt útsýni yfir sveitina og á veturna er ógleymanlegt að njóta þess í lognkyrru veðri á heiðskíru kvöldi að horfa upp í stjörnubjartan himin og á sindrandi norðurljósin.
Ein af gersemum Íslands - Þjóðgarðurinn á Þingvöllum
Til Þjóðgarðsins á Þingvöllum eru aðeins 22 km frá Hótel Grímsborg-um. Þingvellir, ein af listasmíðum íslenskrar náttúru og undurfallegur staður, er friðlýstur hegistaður Íslendinga og á Heimsminjaskrá Mennngarmálastofnunar Sameinuðu þjóðanna. Hér hittust afkomendur víkinga á Alþingi frá 930 til 1798 og íslenska lýðveldið var stofnað formlega á Þingvöllum 17. júní 1944. Í gestastofu þjóðgarðsins er margmiðlunarsýning um sögu og náttúru Þingvalla (opin daglega allt árið 09:00-17:00). Þar einnig minjagripaverslun og upplýsingamiðstöð. Stikaðar og merktar gönguleiðir um þjóðgarðinn (gönguleiðakort fást í gestastofu).
Heilsulindir, goshverir, fossar og sögustaðir
Laugarvatn Fontana, Spa and Wellness Centre (32 km), er freistandi baðstaður og heilsulind þar sem má slaka á í heitum pottum og gufuböðum. Til jarðhitasvæðisins við Geysi, þar sem Strokkur gýs á 10 til 12 mín. fresti, eru 54 km og að Gullfossi, einum fegursta fossi í Evrópu, eru 63 km frá Hótel Grímsborgum. Í um 10 mín. akstur frá hótelinu er Kerið, alldjúpur gígur með tjörn í botni. Til sögustaðarins Skálholts, sem var um aldir helsta biskups- og menntasetur Íslendinga, eru 30 km.
Gestgjafar: Ólafur og Kristín.