Brunnhóll á Mýrum



Brunnhóll á Mýrum

Vel búið fjölskyldurekið gistiheimili í sveitinni Mýrum í Hornafirði, við þjóðveg 1 á Suðausturlandi. Gistiheimilið er á bóndabæ á flatlendi um 8 km frá rótum stærsta jökuls í Evrópu, Vatnajökuls. Fagurt útsýni til fjalla og jökla og sumarsólsetrið töfrum líkast. Fjölbreyttir möguleikar til útivistar, styttri eða lengri gönguferða og ökuferða til heimsækja sumar kunnustu náttúruperlur á Íslandi. Opið frá 1. febrúar til 31. október og yfir jól/áramót. 

Veldu dagsetningar
Frá:150 kr.
hver nótt á herbergi
Senda fyrirspurn

Þjónusta

  • Sér baðherbergi
  • Fjölskylduherbergi 3+
  • Hefðbundinn búskapur
  • Veitingastaður
  • Vínveitingar
  • Máltíðir í boði
  • Hleðslustöð fyrir rafbíla
  • Aðstaða fyrir fatlaða

Í nágrenni

  • Merktar gönguleiðir
  • Jöklaferðir 16 km
  • Vatnajökulsþjóðgarður 6 km
  • Höfn 30 km
  • Jökulsárlón 50 km
  • Bátsferðir á Jökulsárlóni 50 km

Gistiaðstaða

Gisting í 33 herbergjum, eins, tveggja og þriggja manna og fyrir fjölskyldur. Öll herbergin eru með sérbaðherbergi. Sjónvarp, hárþurrka og þráðlaust netsamband er í hverju herbergi. GSM símasamband er á sameiginlegum svæðum. Viðurkennd og góð aðstaða fyrir fatlaða. Nokkur leiksvæði fyrir börn, innan- og utandyra.

 
Veitingar/máltíðir

Bjartur og rúmgóður veitingasalur þar sem fjallahringurinn við rætur Vatnajökuls nýtur sín vel sem og grasgefið láglendið. í boði eru heimilislegar veitingar allan daginn, að ógleymdum Jöklaís sem getið hefur sér gott orðspor og er framleiddur á bænum. 

Fjölbreytt morgunverðarhlaðborð, ýmsir léttir réttir yfir miðjan daginn og að kvöldi eru í boði réttir dagsins (kjöt, fiskur eða grænmeti) auk súpu og salatbars að ógleymdum hamborgurum. Heimabakað brauð og heimagerðar sultur og leitast er við að nota hráefni úr heimahéraði. Nestispakkar í boði ef pantað er að kvöldi. Mikilvægt að að panta fyrir hópa. Vínveitingar á staðnum.

Gæða- og umhverfisvottun

Brunnhóll er þátttakandi í Vakanum, sem er opinbert gæða- og umhvervisvottunarkerfi fyrir íslensk ferðaþjónustufyrirtæki.


Þjónusta/ Afþreying

Þvottaaðstaða. Leiksvæði fyrir börnin. Vönduð göngukort og lopavara til sölu í afgreiðslu. Merktar gönguleiðir. Næsta þéttbýli er Höfn (30 km), en þar eru verslanir, sundlaug, golfvöllur, söfn og ýmis þjónusta fyrir ferðamenn.

 
Gönguleiðir og útivistarsvæði

Frá Brunnhóli þarf ekki að aka langt til að njóta útvistar og gönguferða s.s. um fjalllendið við rætur Vatnajökuls. Mörk Vatnajökulsþjóðgarðs eru 6 km frá bænum og í jaðri hans eru stikaðar gönguleiðir með fræðsluskiltum. Vinsæl útivistarsvæði eru í Haukafelli (11 km) við Fáajökul (8 km), á Eskey (5 km) og Heinabergssvæði (15 km). Hægt er að ganga niður að sjó sem leið liggur fram hjá Skinney (8 km). Gönguleiðir eru fjölbreyttar, miserfiðar og -langar. Gönguleiðakort um þessi svæði og vinsælar gönguslóðir í nágrannasveitum eru til sölu á gisihúsinu. Greið gönguleið er frá bænum niður að sjó.

 
Jöklaævintýri og kjarrilmur

Hvort heldur ekið er um sveitina til vesturs, undir suðurhlíðum Vatnajökuls eða til austurs sem leið liggur á Djúpavog, er landslagið einstakt. Þar gefur á að líta auk Vatnajökuls, stærsta jökuls í Evrópu með sínum jökultungum, stórskorin fjöll, djúpa dali og jökulöldur á aðra hönd og hafnlausa ströndin á hina. Heillandi svæði fyrir þá sem hafa yndi af stórbrotinni náttúru, gönguferðum og krefjandi fjallgöngum.

Fjölbreyttar göngu-, jeppa- og vélsleðaferðir eru í boði á Vatnajökul mestan part ársins, einkum yfir sumartímann. Einnig er vinsælt að fara í íshellaferðir yfir veturinn (nóvember/mars).

Þeir sem kjósa fáfarnari staði hafa úr ýmsu að velja auk þess sem áður er talið í næsta nágrenni Brunnhóls. Má þar nefna Stokksnes undir hlíðum Vestra Horns, Almannaskarð þaðan sem er afar víðsýnt og sveitina Lón (um 50 km til austurs frá Brunnhóli). Þar koma göngumenn og náttúruunnendur á heillandi slóðir, hvort sem er við sjóinn, í kjarri vöxnum hlíðum eða upp til litríkra fjalla. Þjóðvegur 1 liggur um Lón. Vinsælt er einnig að fara í dagsferðir á Djúpavog. (130 km).

 
Jökulsárlón og Skaftafell

Að hinu víðfræga Jökulsárlóni eru um 50 km í vestur frá Brunnhóli. Á lóninu eru í boði fjölbreyttar báts- og kajakaferðir, vor, sumar og haust en svifnökkvaferðir að vetri. Vinsælt er að fara niður á Fellsfjöru (Demantaströndin) þar sem skolað hefur á land stórum og smáum ísjökum og má þar sjá alls konar skúlptúra.
Ef gestir kjósa að komast í kyrrð og ró, mælum við með Fjallsárlóni sem er litlu vestar, en þar eru fallegar stikaðar gönguleiðir og boðið upp á bátasiglingar. Breiðamerkursandur er aðalheimkynni Skúmsins og betra að fara varlega í samskiptum við hann.

Enn vestar er svo Ingólfshöfði en þangað er farið í skoðunarferðir. Kjörinn staður til að komast í návígi við lundann og margskonar sjófugla. Úr Öræfasveit liggja gönguleiðir á Hvannadalshjúk, hæsta fjall Íslands. Önnur tveggja gestastofa á suðursvæði Vatnajökulsþjóðgarðs er í Skaftafelli og þaðan liggja fjölbreyttar og mislangar, -erfiðar gönguleiðir. Einnig eru í boði fræðsluferðir með landvörðum og skipulagðar gönguferðir á jökla.

Gestgjafar:  Sigurlaug og Jón.

 

í nágrenni