Gistiaðstaða

1x4 manna sumarhús sem stendur efst á gervigíg sem er einkennandi fyrir svæðið með útsýni til allra átta. Í bústaðnum eru 2 svefnherbergi, eldhúsið og baðherbergi.

Nálægt sveitabænum stendur Hagagerði; lítið smáhýsi við vatn með hjónarúmi og sérbaðherbergi. Í húsinu er ísskápur, örbylgjuofn, eldhúsvaskur, helluborð, hraðsuðuketill og brauðrist

 
Veitingar/mátíðir

Hægt er að kaupa morgunverð ef bókað er fyrirfram. Næstu matvöruverslanir á Húsavík (26 km). Veitingastaður á sveitahótelinu Rauðuskriðu (14 km). Matsölustaður, opinn á sumrin, í Heiðarbæ í Reykjahverfi (13 km).

 
Þjónusta/afþreying

Gestir hafa afnot af tveimur árabátum sem eru við vatnið í júlí og fram í september. Á vorin liggja nokkrar fuglategundir á eggjum sínum við vatnsbakkann og því mikilvægt að valda fuglunum sem minnst ónæði. Skemmtilegar gönguleiðir eru í nágrenninu. Hestaferðir: Garður í Aðaldal (5 km) og Saltvík, rétt fyrir sunnan bæinn Húsavík (21 km). Hvalaskoðun og sjóstangaveiði frá Húsavík (26 km). Fuglaskoðun á bökkum Laxár. Gott byggðasafn á Grenjaðarstað (8 km) og Hvalasafnið á Húsavík. Sundlaugar: Laugar í Reykjadal (16 km) og Heiðarbær í Reykjahverfi (13 km). Næsta þéttbýli með verslunum, sundlaug, golfvelli og allri almennri þjónustu: Húsavík (26 km).

 
Náttúruperlur, gönguleiðir, íslenski torfbærinn

Frá Haga I í Aðaldal liggja leiðir til allra átta um hérað þar sem eru margar af kunnustu náttúruperlum á Íslandi, heillandi gönguleiðir og fjölmargt til afþreyingar, fróðleiks og skemmtunar. Skammt frá bænum, á Grenjaðarstað, er gott byggðasafn í reisulegum íslenskum torfbæ frá síðasta áratug 19. aldar (9 km). Frá Laugum í Reykjadal (16 km), þar sem er góð sundlaug, er aðeins 12 km akstur að Goðafossi, einum fegursta fossi landsins, sjálfsögðum viðkomustað allra ferðamanna á þessum slóðum.

 
Hvalaskoðun, Ásbyrgi, Jökulsárgljúfur

Frá Húsavík (26 km) eru í boði hvalaskoðunarsiglingar á hverjum degi, einstakt tækfæri til að sjá og ljósmynda stærstu spendýr Jarðar. Í bænum er einnig Hvalasafnið þar sem má fá fræðslu og upplýsingar um hvali og búsvæði þeirra. Frá Húsavík eru 65 km til Ásbyrgis og Jökulsársgljúfra, í nyrsta hluta Vatnajökulsþjóðgarðs, staða sem heilla bæði unga og aldna. Um svæðið liggja fjölmargar merktar gönguleiðir, miserfiðar, allt frá 30 mín. skemmtigöngu upp í 2ja daga ferðir. Daglegar áætlunarferðir yfir sumarið frá Ásbyrgi í Vesturdal, einn þekktasta staðinn í Jökulsárgljúfrum, og að Dettifossi vestan megin.

 
Einstök fegurð við Mývatn

Mývatn og næsta umhverfi þess (41 km) eru einn kunnasti ferðamannastaður á Íslandi, hlýleg sveit á bökkum vatnsins þar sem voldugri kraftar í glóandi iðrum Jarðar hafa mótað landið í tugþúsundir ára og eru enn að. Af stöðum í Mývatnssveit, sem enginn má láta undir höfuð leggjast að heimsækja, má nefna Dimnuborgir, Hverfjall, Grjótagjá, Skútustaðagíga, Kálfastrandarland, Lofthelli, Leirhnjúk, Kröflu og Hverarönd við Námafjall. Vegir og merktar gönguleiðir liggja að áhugaverðum stöðum og upplýsinga- og bókunarþjónusta fyrir ferðamenn er í þorpinu Reykjahlíð.

Gestgjafi: Bergljót