Hótel Fljótshlíð, Smáratún



Hótel Fljótshlíð, Smáratún

Notalegur gististaður með glæsilegu útsýni til Eyjafjallajökuls á söguslóðum í fallegri sveit á Suður-Íslandi, í ökufæri við marga kunnustu ferðamannastaði  í þessum landshluta. Gisting í herbergjum með sérbaði og sameiginlegu baði, í sumarhúsum og smáhýsum. Tjaldstæði. Heitir pottar. Veitingastaður í byggingum sem áður voru hlaða og fjós. Áhersla lögð á hráefni beint frá býli og sjálfbæran rekstur. Opið allt árið. 

Veldu dagsetningar
Frá:14,900 EURkr
hver nótt á herbergi
Senda fyrirspurn

Þjónusta

  • Sameiginlegt baðherbergi
  • Sameiginlegt baðherbergi með vaski
  • Sér baðherbergi, sjónvarp og veitingarstaður
  • Fjölskylduherbergi 3+
  • Bústaður
  • Hefðbundinn búskapur
  • Frítt netsamband
  • Heitur pottur
  • Veitingastaður
  • Vínveitingar
  • Máltíðir í boði
  • Eldunaraðstaða
  • Fundar- / Ráðstefnuherbergi
  • Aðstaða fyrir fatlaða
  • Kreditkort
  • Útsýni til jökuls

Í nágrenni

  • 9 holu golfvöllur 1 km
  • Jarðhitasundlaug á Hvolsvelli 13 km
  • Sögusetur á Hvolsvelli 13 km
  • Seljalandsfoss 24 km
  • Eyjafjallajökull
  • Bakki flugvöllur, flug til Vestmannaeyja 38 km
  • Skógarfoss og byggðasafn 51 km
  • Þórsmörk 54 km

Gistiaðstaða

Hótel Fljótshlíð: 14x2 manna herbergi með sérbaðherbergi og öllum helstu þægindum. Sjónvarp í hverju herbergi er tengt við gervihnattadisk.

Smáratún/Gistiheimili: Eins, tveggja eða fjögurra manna herbergi með uppbúnum rúmum eða svefnpokapláss. Sameiginleg baðherbergi. Gestir hafa aðgang að sameiginlegri eldunaraðstöðu og matsal. Gestum er jafnframt velkomið að nýta sér alla þjónustu á veitingastað Hótels Fljótshlíðar.

Smáratún/Sumarhús: 2x6 manna sumarhús, flokkur D (2 svefnherb. og svefnloft), 1x6 manna sumarhús, flokkur D (2 svefnherb.) og 1x4 manna sumarhús, flokkur C (2 svefnherb. og svefnloft). Í öllum húsunum er fullbúið eldhús, sjónvarp og DVD-spilari. Á verönd við hvert hús er heitur pottur, gasgrill og garðhúsgögn. Sængur og koddar fylgja húsunum. Húsin eru 48 m2 og 40 m2.

Smáratún/Smáhýsi: 5x-3-4 manna smáhýsi (15 m2) með tvíbreiðu rúmi og tveimur kojum eða einbreiðu rúmi. Baðherbergi með sturtu, lítill borðkrókur og sjónvarp. Sængur og koddar fylgja húsunum. Gestir njóta aðgangs að fullbúinni sameiginlegri eldunaraðstöðu í matsal á gistiheimili og heitum potti í skjólgóðum garði.

 
Veitingar/máltíðir

Veitingasalir á Hótel Fljótshlíð nefnast einu nafni Hlaðan. Þeir eru í byggingum sem áður voru hlaða og fjós á bænum. Stærri salurinn, þar sem borinn er fram morgunverður, tekur allt að 130 manns í sæti og hentar vel fyrir fundi og samkomur. Kvöldverðarsalur hótelsins tekur allt að 35 manns í sæti. Hann er opinn daglega á sumrin kl. 18:00 til 20:30. Í boði er þriggja rétta matseðill dagsins og að auki réttir af matseðli. Panta þarf máltíð fyrirfram á veturna. Lögð er áhersla á hráefni úr heimbyggð og beint frá býli; íslenskar landnámshænur sjá veitingastaðnum fyrir eggjum og allt nautakjöt, sem er á boðstólum í Smáratúni, er frá býlinu sjálfu. Vínveitingar. Báðir salir hafa hlotið vottun fyrir aðgengi hjólastóla frá ACCESS ICELAND.

 
Þjónusta/afþreying

Hestaleiga, gæsa- og silungsveiði á staðnum. Næsti golfvöllur (18 holur) á Hellishólum, Þverárvöllur (3 km). 18 holu golfvöllur, Strandarvöllur, 7 km í vestur frá Hvolsvelli (20 km). Kaffi Langbrók, kaffihús og sveitakrá (4 km). Daglegar rúturferðir í Þórsmörk frá Hvolsvelli (13 km) og í Landmannalaugar frá Hellu (25 km). 25 mínútna akstur til Landeyjarhafnar þar sem eru daglegar ferjusiglingar (35 mín.) til Vestmannaeyja. Næsta þéttbýli með jarðhitasundlaug, verslunum og ýmissi þjónustu við ferðamenn: Hvolsvöllur (13 km).

 
Einstæð náttúrufegurð á söguslóðum Njálu

Hótel Fljótshlíð/Smáratún er miðsvæðis á slóðum þar sem náttúruunnendur, útivistafólk og áhugamenn um sögu liðinna alda hafa úr mörgu að velja. Sveitin sjálf, Fljótshlíð, er undurfagurt göngusvæði og útsýni þaðan glæsilegt til Eyjafjallajökuls og niður til strandar. Hér er jafnframt sögusvið frægustu Íslendinga sögunnar, Njáls sögu, og á Hvolsvelli er Sögusetrið [Njals's Saga Centre].

 
Þórsmörk, fossaperlur, Vestmannaeyjar, Hekluslóðir

Inn af Fljótshlíð er Þórsmörk, gróðurvin, töfraheimur og náttúruperla á milli þriggja jökla, ein þekktasta og vinsælasta útivistarparadís göngu- og fjallafólks. Af öðrum kunnum stöðum má svo nefna Seljalandsfoss (24 km) og Skógafoss (51 km). Dagsferð til Vestmannaeyja með ferjunni (35 mín.) er ógleymanlegt ævintýri og á milli þorpanna Hvolsvallar og Hellu liggja vegir upp að rótum frægasta eldfjalls á Íslandi, Heklu.

Gestgjafar: Guðný, Sigurður, Arndís og Ívar. 

 

In the area