Smyrlabjörg í Suðursveit



Smyrlabjörg í Suðursveit

Fjölskyldurekið, vel búið og hlýlegt sveitahótel með góðum veitingastað undir suðurrótum Vatnajökuls á Suðaustur-Íslandi, nær miðja vegu á milli Jökulsárlóns og út¬vegsbæjarins Hafnar í Hornafirði. Björt herbergi, öll með sérbaðherbergi. Hádegis- og kvöldverður alla daga ársins þar sem lögð er áhersla á matvæli úr heimabyggð. Merktar gönguleiðr. Jeppa- og vélsleðaferðir í næsta nágrenni. Opið frá 5. janúar til 21. desember. 

Frá:17.800kr
hver nótt
Veldu dagsetningar
Senda fyrirspurn

Þjónusta

  • Sér baðherbergi, sjónvarp og veitingarstaður
  • Fjölskylduherbergi 3+
  • Hefðbundinn búskapur
  • Frítt netsamband svæðisbundið
  • Veitingastaður
  • Vínveitingar
  • Máltíðir í boði
  • Aðstaða fyrir fatlaða
  • Sjónvarp
  • Kreditkort
  • Opnir miðar

Í nágrenni

  • Jeppa- og snjósleðaferðir 2 km
  • Húsdýragarður 15 km
  • Vatnajökulsþjóðgarður
  • Góðar gönguleiðir og kostur á fuglaskoðun
  • Jökulsárlón 35 km
  • Höfn 45 km

Gistiaðstaða

52 tveggja og þriggja manna vel búin herbergi, öll með sérbaðherbergi og sjónvarpi. Fallegt útsýni til sjávar eða til fjalla. Góð aðstaða fyrir hreyfihamlaða. Ókeypis þráðlaust netsamband í sameiginlegu rými.

 
Veitingar/máltíðir

Á Smyrlabjörgum er veitingasalur sem rúmar 150-200 manns í sæti. Auk morgunverðarhlaðborðs er í boði hádegisverður af matseðli og glæsilegt kvöldverðarhlaðborð yfir sumartímann. Á kvöldverðarhlaðborðinu má finna tugi heimagerðra rétta úr úrvalshráefni frá héraðinu, t.d. lambakjöt, fisk og hreindýrakjöt. Á veturna býðst gestum hádegis- og kvöldverður af matseðli. Vínveitingar og bar með hlýlegri setustofu við veitingasalinn. Húsnæðið hentar vel til funda- og ráðstefnuhalds og er tilvalið fyrir árshátíðir, afmæli og aðra viðburði.

 
Þjónusta/afþreying

Fjölmargar merktar gönguleiðir í nágrenninu. Fuglaskoðun. Oft má sjá hreindýrahjarðir á þessum slóðum og góðar líkur á að sjá norðurljós frá mánaðamótum ágúst/september og fram til loka mars. Jeppa- og vélsleðaferðir á Skálafellsjökul (vegur 985, 2 km). Bátsferðir á Jökulsárlóni (35 km). Fjórhjólaferðir inn með skriðjökli og heitir pottar á Hoffelli (25 km). Lundaskoðununarferðir í Ingólfshöfða (45 km). Húsdýragarður fyrir alla fjölskylduna á Hólmi á Mýrum (16 km). Steinasafnið Huldusteinn og Jöklasafnið á Höfn þar sem er upplýsingamiðstöð fyrir ferðamenn (44 km). Næsta þéttbýli með sundlaug, golfvelli, matvöruverslunum, veitingastöðum, ferðaþjónustufyrirtækjum og allri almennri þjónustu: Höfn (44 km). Á Smyrlabjörgum er rekið sauðfjárbú og á bænum eru dýr eins og hestar, hundar, endur og hænur sem þykir gaman að stofna til kynna við gesti.

 
Góð staðsetning til skoðunarferða og útivistar

Sveitahótelið á Smyrlabjörgum stendur við þjóðveg 1 austarlega í svonefndri Suðursveit og skammt þaðan sem jökulfljótið Kolgríma skilur á milli Suðursveitar og Hornafjarðarsveitar. Hótelið er því vel staðsett til skoðunarferða um þessar byggðir á suðausturlandi. Ofan við byggðina er komið í stórbrotið landsvæði, mótað af skriðjöklum og jökulám, í suðurjaðri Vatnajökulsþjóðgarðs sem er stærsti þjóðgarður í Vestur-Evrópu (13.600 km2). Í umsjá þjóðgarðsins eru margar merktar gönguleiðir á þessu svæði. Má nefna t.d. stikaða gönguleið sem hefst við heimreiðina að næsta bæ, Skálafelli (4 km). Þessi gönguleið liggur að vinsælu göngusvæði, Hjallanesi, undir syðri tungu skriðjökulsins Heinabergsjökuls, Skálafellsjökli. Skammt frá Smyrlabjörgum (2 km) eru í boði jeppa- og vélsleðaferðir upp á Skálafellsjökul.

 
Göngu- og útivistarsvæði á næstu slóðum

Svonefnt Heinabergssvæði, í suðurjaðri Vatnajökulsþjóðgarðs og með merktum gönguleiðum, er hrífandi og stórbrotið göngu- og útivistarsvæði á þessum slóðum. Að bílastæði við Heinabergsjökul liggur vegslóði, fær vel flestum bílum (7,7 km) frá þjóðvegi 1, skammt austan við fljótið Kolgrímu (5 km frá Smyrlabjörgum). Annað vinsælt göngu- og útivistarsvæði er í grennd við skriðjökulinn Fláajökul sem er eilítið austar en Heinabergsjökull. Að Fláajökli liggur malarvegur (10 km), fær flestum bílum, af þjóðvegi nr. 1 við Hólm (15 km frá Skálafelli).

 
Suðursveit, náttúrufegurð og friðsæld undir jökli

Smyrlabjörg eru austarlega í Suðursveit, sveitinni meðfram nær hafn-lausri svartri sandströndinni undir rótum Vatnajökuls allt vestur að hinu víðkunna Jökulsárlóni (35 km). Náttúruskoðarar, útvistarfólk og fjallgöngumenn eiga hér um margt að velja; landslag er stórbrotið, ýmist tröllslegt eða hlýlegt og að baki glitrar á ísskjöld stærsta jökuls í Evrópu, Vatnajökuls. Frá Lækjarhúsum í Borgarhöfn í Suðursveit (7 km) eru í boði jeppaferðir, óvissuferðir og útsýnisferðir um sveitina í litlum rútum. Frá Borgarhöfn eru 12 km að Hala í Suðursveit þar sem er fróðlegt safn um einn kunnasta rithöfund Íslendinga á 20. öld, og frá Hala eru 14 km að hinu víðkunna Jökulsárlóni.

Gestgjafar: Laufey og Sigurbjörn.

 

In the area