Skútustaðir við Mývatn



Skútustaðir við Mývatn

Gistihús bænda á Skútustöðum á suðurströnd Mývatns, miðsvæðis í Mývatnssveit þar sem eru kunnustu náttúruperlur á Norðaustur Íslandi. Herbergi í séríbúð á efri hæð íbúðarhússins og í 4ra manna sumarhúsi (opið allt árið) og í sérbyggingu rétt við íbúðarhúsið (opið 01.05.-01.10). Einstakar gönguleiðir hjá bænum. Góð staðsetning til skoðunarferða um töfraheim Mývatnssveitar og til næstu byggða. Opið allt árið.

Frá:10,600 EURkr
hver nótt á herbergi
Veldu dagsetningar
Senda fyrirspurn

Þjónusta

  • Sameiginlegt baðherbergi
  • Sameiginlegt baðherbergi með vaski
  • Sér baðherbergi
  • Fjölskylduherbergi 3+
  • Bústaður
  • Hefðbundinn búskapur
  • Frítt netsamband
  • Eldunaraðstaða
  • Þvottaaðstaða
  • Kreditkort
  • Merktar gönguleiðir

Í nágrenni

  • Mývatn
  • Dimmuborgir 11 km
  • Reykjahlíð 15 km
  • Fuglasafn 16 km
  • Jarðböð 18 km
  • Krafla 30 km
  • Goðafoss 38 km
  • Hvalaskoðun frá Húsavík 65 km
  • Dettifoss 83 km
  • Akureyri 88 km

Gistiaðstaða

 
Opið allt árið:
6 herbergi, 12 rúm, í íbúð með sérinngangi á efri hæð íbúðarhússins á bænum. Sameiginleg baðherbergi og aðgangur að litlu eldhúsi og bjartri og hlýlegri setu/borðstofu með sjónvarpi. Ókeypis þráðlaust netsamband. Þvottaðaðstaða.

60m2 sumarhús fyrir 4 með tveimur svefnherbergjum og svefnlofti, vel búnu eldhúsi og setu/borðstofu.

Opið 1. maí – 1. okt.:
5x2 manna herbergi með sérinngangi og sérbaðherbergi í byggingu rétt við íbúðarhúsið. Gestir í þessum herbergjum hafa aðgang að setu/borðstofu og eldunaraðstöðu á efri hæð íbúðarhússins.

 
Veitingar/máltíðir

Morgunverður er innifalinn í gistiverði fyrir herbergi. Veitingastaður og bar í göngufæri á Seli Hótel Mývatni á Skútustöðum. Veitingastaðurinn Kaffi Borgir í Dimmuborgum (11 km) og veitingastaðurinn Myllan (kvöldverður) á Hótel Reynihlíð (15 km). Matvöruverslun í Reykjahlíð (15 km).

 
Þjónusta/afþreying

Upplýsingamiðstöð og bókunarþjónusta fyrir ferðamenn í Mývatnsstofu í Reykjahlíð (15 km). Hestaleiga og hestaferðir (Safari Hestar) frá Álftagerði (600 m). Hjóla- og gönguferðir með leiðsögn um Mývatnssveit og nágrenni: Hike & Bike í Reykjahlíð (15 km). Skipulagaðar skoðunarferðir í Öskju, Ásbyrgi, Jökulsársgljúfur og að Dettifossi frá Reykjahlíð. Jeppaferðir, vélsleðafeðir. Fuglaskoðun. Fuglasafn Sigurgeirs, Ytri Neslöndum (16 km). Mývatnsmarkaður, handverksverslun, í Dimmuborgum (11 km), og Dyngjan, handverkshús, í Reykjahlíð. 9 holu golfvöllur skammt frá Reykjahlíð. Sundlaug í Reykjahlíð (15 km). Jarðböðin (36-40°C) við Mývatn (18 km). Næsta þorp með verslunum, matsölustöðum og ýmissi þjónustu: Reykjahlíð (15 km eftir vegi 848 Mývatnssveitarvegi). Næsti bær með verslunum og fjölbreyttri þjónustu, t.d. hvalaskoðunarferðum: Húsavík (65 km).

 
Velkomin í Mývatnssveit

Mývatnssveit, einhver fegursta, sérstæðasta og fjölbreyttasta náttúrusmíð á norðurhveli Jarðar, er einn vinsælasti ferðamannastaður á Íslandi, hvort sem er að sumri eða vetri. Hér bíður gestkomandi sannkölluð töfraveröld, mótuð af eldsumbrotum í tugþúsundir ára, staður þar sem náttúruöflin eru enn að vinna sitt sköpunarverk. Hér er öllum velkomið að njóta þess sem fyrir augu ber en heimamenn minna gesti á að ganga vel um sveitina sína og spilla ekki viðkvæmu lífríki hennar.

 
Náttúruperlur í Mývatnssveit, gönguleiðir, fuglaskoðun

Af stöðum í Mývatnssveit, sem enginn má láta undir höfuð leggjast að heimsækja, má nefna Dimnuborgir, Hverfjall, Grjótagjá, Skútustaðagíga, Kálfastrandarland, Lofthelli, Leihnjúk, Kröflu og Hverarönd við Námafjall. Vegir og merktar gönguleiðir liggja að áhugaverðum stöðum, hvort sem ætlunin er að njóta hins sérstæða landslags, skoða einstök náttúrufyrirbæri eða hið fjölskrúðuga plöntu- og fuglalíf. Gestgjafar á Skútustöðum eru reiðubúnir að leiðabeina fólki og við bendum ferðamönnum einnig á upplýsingamiðstöðina í Mývatnsstofu í Reykjahlíð.

 
Skútustaðir – Skútustaðagígar

Á Skútustöðum hefur verið búið allt frá því á 10. öld og bærinn kemur við sögu í einni af Íslendinga sögum. Um miðja 19. öld varð bærinn prestssetur og smám saman varð hér til örlítill þjónustu- og þéttbýliskjarni með félagsheimili, verslun og skóla sveitarinnar sem nú hýsir hótel. Á Skútustöðum 2, þar sem er gistihús bænda, er rekinn hefðbundinn búskapur með kýr og sauðfé. Rétt við bæinn er ein af náttúruperlum Mývatnssveitar, Skútustaðagígar, svonefndar Borgir og Rófur, þyrping af gervigígum sunnan við akbrautin og á tanga sem gengur út í Mývatn norðan megin við veginn. Um gígana á tanganum og kringum tjörnina, sem prýðir hér umhverfið, liggur merkt gönguleið.

 
Gestgjafar: Ásta og Björn

 

In the area