Lamb Inn Öngulsstaðir III í Eyjafirði



Lamb Inn Öngulsstaðir III í Eyjafirði

Hlýlegt gistiheimili með 23 herbergjum og veitingastað í Eyjafjarðarsveit, aðeins 10 km suður af Akureyri. Heillandi útsýni yfir byggðina og formfögur fjöll. Gönguleiðir í nágrenninu og margs konar afþreying og þjónusta í boði. Kjörinn dvalarstaður fyrir þá sem hafa hug á að fara í skoðunarferðir um miðbik Norðurlands. Vottað af Vakanum. Opið allt árið.

Veldu dagsetningar
Frá:17.900 kr.
hver nótt á herbergi
Senda fyrirspurn

Þjónusta

  • Sér baðherbergi
  • Fjölskylduherbergi 3+
  • Frítt netsamband
  • Aðgangur að nettengdri tölvu
  • Heitur pottur
  • Veitingastaður
  • Vínveitingar
  • Máltíðir í boði
  • Aðstaða fyrir fatlaða
  • Kreditkort
  • Merktar gönguleiðir
  • Vottaður af Vakanum

Í nágrenni

  • Gönguleiðir og fuglaskoðun
  • Golf 2 km - Þverá
  • Sundlaug 5 km - Hrafnagil
  • Akureyri 10 km
  • Hlíðarfjall skíðasvæði 18 km

Gistiaðstaða

Sautján herbergi með sérbaðherbergi, allt frá 2 manna upp í rúmgott fjölskylduherbergi með 4 rúmum (má bæta þar við 2 rúmum). Þrjú herbergi eru með sérinngangi; þar af deila tvö herbergi sama inngangi og á milli þeirra er eldunaraðstaða og ísskápur. Tvö herbergi eru sérhönnuð fyrir fólk í hjólastólum. Ókeypis þráðlaust netsamband er í sameiginlegu rými. Heitur pottur er við húsið. Sex herbergi með sameiginlegu baðherbergi í sérhúsi, fjögur tveggja manna herbergi, eitt þriggja manna herbergi og eitt fjölskylduherbergi með fjórum rúmum. 

Lamb Inn er þátttakandi í Vakanum sem er opinbert gæða- og umhverfiskerfi fyrir íslenska ferðaþjónustu.

 
Veitingar/máltíðir

Veitingastaðurinn Lamb Inn er í húsnæði sem áður var hlaða á bænum. Þar býðst gestum að gæða sér á hefðbundnum íslenskum réttum úr lambakjöti, sérgrein kokksins á staðnum, en á matseðli eru einnig fiskréttir, þorskur og bleikja og annað góðmeti úr hráefni úr heimabyggð. Heimabakað brauð á morgunverðarhlaðborði ásamt öðru fersku hráefni úr heimahéraði.

 
Gæða- og umhverfisvottun

Lamb Inn er þátttakandi í Vakanum sem er opinbert gæða- og umhverfiskerfi fyrir íslensk ferðaþjónustufyrirtæki.  Nánari upplýsingar um Vakann.

Lamb-Inn is certified as a 4 star guesthouse by Vakinn    Lamb-Inn is certified as a 4 star Private Home by Vakinn   Lamb-Inn is certified as a bronze-class environmental by Vakinn

 
Þjónusta/afþreying

Í gamla bænum á Öngulsstöðum (elstu innviðir frá 1830-1840) er safn þar sem má finna andrúmsloft liðins tíma (opið á sumrin). Gönguleiðir, í sveitinni og um dali og fjöll. Hestaferðir: Hestaleigan Kátur, Kaupangi (5 km) og Hestaleigan Uppsölum (3 km). Golfvöllur á Þverá, 9 holur, par 3 (2 km). Sundlaug á Hrafnagili (5 km). Á Syðra-Lauglandi er veitingastaðurinn Silva sem býður eingöngu grænmetis- og hráfæðisrétti (opið á sumrin). Kaffi Kú [Cowshed Café] í Garði (700 m). Jólagarðurinn, Sléttu, rétt norðan við Hrafnagil, verslun með jólavörur árið um kring (6 km). Skíðasvæðið í Hlíðarfjalli, ofan við Akureyri (18 km). Næsta þéttbýli með verslunum, veitingastöðum, skemmtistöðum, söfnum og fjölþættri þjónustu við ferðamenn: Akureyri (10 km).

 
Afþreying og útivist að sumri sem vetri

Dalurinn upp frá botni Eyjafjarðar, sem í daglegu tali ber sama nafn og fjörðurinn sjálfur, er 60 km langur. Hér er þéttbýlt, veðursælt og blómlegt landbúnaðarhérað. Tilvalið er að bregað sér í hringferð um sveitina frá Öngulsstöðum fram fyrir bæinn Möðruvelli austan megin, þar yfir brú yfir Eyjafjarðará, og síðan út eftir héraðinu vestan megin til Akureyrar. Eftir að hafa skoðað sig um í miðbæ Akureyrar er svo haldið til baka, austur yfir fjarðarbotninn og suður með bæjaröðinni til Öngulsstaða.

 
Vinsælasti skíðastaður á landinu – sveitasæla og norðurljós

Akureyri, fjölmennasti bær á Íslandi utan höfuðborgarsvæðisins, stendur í fallegu umhverfi. Þar bíður okkar athafna- og mannlíf í takt við nútímann, söfn, listagallerí, veitingastaðir, verslanir, nokkrir skemmtistaðir og krár. Rétt fyrir ofan bæinn er skíðasvæðið í Hlíðarfjalli (20 mín. akstur frá Öngulsstöðum), vinsælasti skíðastaður á landinu. Lamb Inn er því ákjósanlegur staður fyrir skíðafólk sem vill slaka á í heitum potti við gistiheimilið og njóta sveitasælunnar (og norðurljósa ef heppnin er með) eftir skemmtilegan dag í skíðabrekk-unum. (Geymsla fyrir skíðabúnað á Lamb Inn.)

 
Mývatn – hvalaskoðun – síldarbærinn – íslenski torfbærinn

Lamb Inn á Öngulsstöðum hentar sem dvalarstaður til dagsferða um næstu sveitir á Norðurlandi. Til Mývatns og náttúruundranna, sem þar er að finna, eru aðeins 70 km (og á þeirri leið er einn kunnasti foss á Íslandi – Goðafoss). Til Húsavíkur, bæjar sem er víðkunnur fyrir hvalaskoðunarferðir, eru 97 km. Út með Eyjafirði að vestan eru 89 km til Siglufjarðar, bæjar sem var „höfuðborg síldveiða“ við Ísland á fyrri hluta 20. aldar og er nú fjölsóttur ferðamannastaður. Við austanverðan Eyjafjörð er svo Byggðasafnið í Laufási (34 km) þar sem fólki býðst hverfa aftur í tímann í reisulegum íslenskum torfbæ (opið yfir sumarmánuðina).

Gestgjafi: Jóhannes

 

In the area