Heydalur í Mjóafirði, Ísafjarðardjúpi



Heydalur í Mjóafirði, Ísafjarðardjúpi

Ævintýradalur náttúruskoðara og útivistarfólks. Gisting í herbergjum með sérbaði og í sumarhúsum í Heydal í Mjóafirði, innarlega við sunnanvert Ísafjarðardjúp á Vestfjörðum. Fjölbreyttir möguleikar til þess að njóta óspilltrar náttúru og hollrar afþreyingar; gönguferðir, kajaksiglingar, hestaferðir, veiði, slökun í  heitum laugum, stilltar vetrarnætur og glitrandi norðurljós. Opið allt árið.

Veldu dagsetningar
Frá:15.500 kr.
hver nótt á herbergi
Senda fyrirspurn

Þjónusta

  • Sér baðherbergi
  • Fjölskylduherbergi 3+
  • Bústaður
  • Hefðbundinn búskapur
  • Frítt netsamband
  • Aðgangur að nettengdri tölvu
  • Heitur pottur
  • Veitingastaður
  • Vínveitingar
  • Máltíðir í boði
  • Aðstaða fyrir fatlaða
  • Sjónvarp
  • Þvottaaðstaða
  • Kreditkort
  • Leiksvæði fyrir börn
  • Merktar gönguleiðir
  • Tómstundaherbergi

Í nágrenni

  • Náttúrulaug í göngufæri
  • Selir, fuglar og öðru hverju hvalir
  • Drangajökull 
  • Fornleifa uppgröftur í Vatnsfirði 18 km
  • Hólmavík 110 km
  • Súðavík 115 km
  • Ísafjörður 136 km

Gistiaðstaða

Góð herbergi með sérbaðherbergi og sérinngangi, í tveimur húsum á bænum. Sjónvarp í hverju herbergi og ókeypis þráðlaust netsamband. Eldunaraðstaða í stærri herbergjunum.
Sumarhús, 37 m2, sem rúmar 4-5 manns. Tvö svefnherbergi, setustofa með eldhúskrók, baðherbergi og verönd.
Sumarhús, 57 m2, sem rúmar 6 manns. Þrjú svefnherbergi, setustofa með eldhúskrók, baðherbergi og verönd. Hjá þessu sumarhúsi er 13 m2 gestahús með 4 svefnplássum svo að 10 manns geta gist hér saman.
Sumarhúsin eru í um 2 km fjarlægð frá bænum.
Í sumarhúsunum er sjónvarp og ókeypis þráðlaust netsamband.
Hjá bænum er húsbílastæði og tjaldstæði með aðgengi að salerni og sturtum.

Þjónusta

Gömlu hlöðunni var breytt í aðlaðandi veitingastað þar sem lögð er áhersla á heimafengið hráefni. Þar er framreitt fjölbreytt morgunverðarhlaðborð og aðrar máltíðir eru í boði kl. 11:30-22:00. Hér má bragða á sveppum og bláberjum úr dalnum, lambakjöti frá næsta bæ, reyktum lunda, silungi frá bænum og laxi úr Heydalsá (síðari hluta sumars). – Vínveitingar.
Leiksvæði fyrir börnin. Styttri og lengri hestaferðir um dalinn. Styttri og lengri kajaksiglingar. Silungsveiði í fjallavatni ofan við dalbotninn. Ókeypis þráðlaust netsamband.

Afþreying

Fjölbreyttar gönguleiðir. Skilti með plöntu- og fuglaheitum fyrir þá sem vilja fræðast betur um náttúrufar og fuglalíf í dalnum. Selaskoðun á Hvítanesi (60 km). Veiði á ís, snjósleðaferðir og norðurljósaskoðun á veturna. Margir áhugaverðir staðir við sunnan- og innanvert Ísafjarðardjúp. Næstu þéttbýlisstaðir: Hólmavík (120 km), Súðavík (120 km) og Ísafjörður (130 km). Galdrasetrið á Hólmavík. Melrakkasetrið á Súðavík. Söfn, skipulagðar ferðir um Ísafjarðardjúp og ýmis önnur þjónusta við ferðamenn á Ísafirði.

Heitar náttúrulaugar/sundlaug

Í Heydal er jarðhiti. Í göngufæri frá bændahótelinu er heit náttúrulaug á Galtahrygg. Í gróðurhúsi á bænum (áður fjárhús) er lítil sundlaug og heitur pottur til afnota fyrir gesti. Utan dyra eru þrír heitir pottar, svonefndir „Onsen-pottar“, unnir úr fjörugrjóti og skeljasandi.

Náttúruparadís þar sem þú finnur kyrrðina

Heydalur er 6 km langur dalur sem gengur inn úr Mjóafirði við Ísafjarðardjúp, friðsæll staður, eilítið úr alfaraleið, vaxinn kjarri og fjölbreytilegum gróðri, hlýleg náttúruparadís á fallegum sumardögum.

Áhugaverðar dagsferðir um nágrennið

Frá bænum liggja leiðir í hæfilegar dagsferðir um næstu firði og sveitir, byggðarlög þar sem áður var búið á mörgum bæjum en fólki hefur fækkað mjög á undanförnum áratugum. Hér ríkir seiðandi andrúmsloft í nánd við hafið og fjöllin þar sem náttúran og sagan skapa umgjörð sem á fáa sína líka á Íslandi.
Þjóðleiðin til Súðavíkur og til Ísafjarðar, höfuðstaðar Vestfjarða, liggur yfir Mjóafjörð utanverðan, en sé haldið í austur liggur þjóðleiðin til Hólmavíkur, sjávarþorps við vestanverðan Húnaflóa.

Gestgjafar: Stella og Gísli

 

In the area