Dæli í Víðidal



Dæli í Víðidal

Að Dæli í Víðidal, grösugri og búsældarlegri sveit í Húnavatnssýslu á vestanverðu Norðurlandi, hefur verið tekið vel á móti ferðamönnum í bændagistingu síðan 1988. Dæli hentar vel sem áfangastaður fyrir ferðamenn á leið til eða frá Norðurlandi en jafnframt er gott að dvelja þar og njóta útivistar, ýmiss konar afþreyingar og heimsækja áhugaverða staði í nágrenninu. Opið frá 15. janúar til 15. desember. 

Veldu dagsetningar
Frá:kr.
hver nótt á herbergi
Bóka núna

Þjónusta

  • Sér baðherbergi
  • Bústaður
  • Hefðbundinn búskapur
  • Wi-Fi
  • Heitur pottur
  • Veitingastaður
  • Vínveitingar
  • Máltíðir ef bókað er fyrirfram
  • Aðstaða fyrir fatlaða
  • Gæludýr leyfð
  • Tjaldsvæði
  • Veiði / veiðileyfi

Í nágrenni

  • Kolugljúfur 5 km
  • Hvammstangi 24 km
  • Íslenska selasetrið 24 km
  • Sundlaug 24 km
  • Hvítserkur 33 km

Gistiaðstaða

Gisting í 4 herbergjum án baðs og 10 rúmgóðum herbergjum með baði, þar af herbergi með aðgengi fyrir fatlaða. 1 x 2ja manna sumarhús (1 svefnherbergi en einnig svefnsófi og svefnloft með dýnum). 6 smáhýsi við tjaldsvæði með snyrtingu.

Á staðnum er gott tjaldsvæði með ragmagnstenglum, Tjaldgestir hafa aðgang að litlu sameiginlegu eldhúsi, salernum og sturtum. Panta þarf fyrirfram stæði á tjaldsvæðinu. Lokað er fyrir alla umferð inn á svæðið frá 23:00-07:00.

Hundar eru leyfðir á ábyrgð eigenda á tjaldsvæðinu og í einu smáhýsi. 

Þjónusta

Í Dæli er hugguleg sveitakrá/kaffihús með bar, Kaffi Sveitó, þar sem má fá máltíðir og léttar veitingar. Eldunaraðstaða fyrir gesti er í þjónustuhúsi við tjaldsvæði. Matsalur fyrir 60 manns. Ókeypis þráðlaus nettenging í veitingasal og í sumum herbergjum með sérbaði.

Afþreying

Hægt að fá veiðileyfi í hópið; Bergána, Víðidalsá ofan kolufossa og þá eru mörg vötn upp á Víðidalstunguheiði. Skemmtilegar mínigolfbrautir fyrir unga sem aldna; kylfur leigðar út á staðnum. Heitur pottur og gufubað í litlu baðhúsi. Næsta sundlaug er á Hvammstanga (24 km). Næsti golfvöllur er við Blönduós (41km). Næsta verslun á Hvammstanga.

Gönguleiðir á slóðum trölla

Frá Dæli liggur merkt gönguleið (1-1,5 km) að fossi með steinbrú yfir sem nefnist Steinbogi. Skemmtileg 5 km gönguleið er að Kolugljúfrum. Þar rennur Víðidalsá, ein þekktasta og besta laxveiðiá landsins, um stórbrotin gljúfur sem eru nokkrir tugir metra á dýpt. Tröllskessan Kola er sögð hafa grafið gljúfrin og átt þar síðan bústað. Í gljúfrunum eru Kolufossar.

Stefnumót við landseli

Frá Dæli er ekki langt að aka að vegamótum þar sem byrjar hringvegur (90 km) um Vatnsnes, hálendan skaga á milli Húnafjarðar að austan og Miðfjarðar að vestan. Þar eru ein aðgengilegustu og stærstu selalátur á Íslandi. Skoða má landseli í töluverðu návígi og ná af þeim góðum myndum í náttúrulegu umhverfi. Hjá bæjunum Illugastöðum, Svalbarði og Ósum hefur verið byggð upp aðstaða til selaskoðunar. Fræðast má svo nánar um seli og selveiðar í Selasetri Íslands í þorpinu Hvammstanga við Miðfjörð.

Áhugaverðir staðir og söguslóðir

Við hringveginn kringum Vatnsnes eru tvær furðusmíðar náttúrunnar, Borgarvirki og Hvítserkur, sérkennilegur, brimsorfinn 15 m hár klettur. Börn hafa gaman af því að ganga niður í fjöruna til að skoða klettinn. Frá Dæli er einnig tilvalið að aka yfir í næsta dal fyrir austan, Vatnsdal, og skoða t.d. Vatnsdalshóla.

 
Gestgjafar:  Kristinn Rúnar og fjölskylda

 

í nágrenni