Hótel Vos



Hótel Vos

Lítið og hlýlegt sveitahótel á býlinu Norður-Nýjabæ í Þykkvabæ á Suðurlandi, í um 10 mínútna akstur frá Hellu, um 3 kílómetra frá ströndinni. Hótelið er á einni hæð og í boði eru 18 herbergi með sérbaði, sérinngangi og aðgangi að heitum potti. Morgunverður í boði og kvöldverður ef óskað er. Hótel VOS er kjörinn staður til þess að njóta þess sem er í boði á Suðurlandi, hvort sem ætlunin er að slaka á eða kynnast náttúru og mannlífi á þessum slóðum. Opið allt árið.

Veldu dagsetningar
Frá:0 EURkr
hver nótt á herbergi
Senda fyrirspurn

Þjónusta

  • Sér baðherbergi, sjónvarp og veitingarstaður
  • Fjölskylduherbergi 3+
  • Frítt netsamband
  • Heitur pottur
  • Veitingastaður
  • Vínveitingar
  • Aðstaða fyrir fatlaða
  • Sjónvarp
  • Kreditkort

Í nágrenni

  • Hella – 17 km
  • Ægisíðufoss – 13 km
  • Hvolsvöllur – 27 km
  • Seljalandsfoss 54 km
  • Skógafoss – 81 km
  • Landeyjahöfn – 57 km
  • Þjórsárdalur – 80 km

Gistiaðstaða

18 björt og þægileg herbergi, eins manns, tveggja manna eða fjölskylduherbergi. Öll herbergin eru með sérbaði og sérinngangi og aðgangi að heitum potti.

 
Veitingar/máltíðir

Í matsal eru sæti fyrir 50 manns. Þar er borinn fram morgunverður og gestir geta pantað fyrirfram þriggja rétta kvöldverð frá kl.18:00 til 20:00. Lögð er áhersla á að nota heimafengið hráefni í alla matargerð, kjöt, ferskt sjávarfang og grænmeti. Gestum standa til boða nestisbox til að hafa með sér í lengri eða styttri skoðunarferðir. Te og kaffi er í boði allan daginn.

 
Þjónusta/afþreying

Á Norður-Nýjabæ er rekið hrossabú og gestum er velkomið að stofna til kynna við íslenska hestinn. Göngu- og hjólaleiðir í næsta nágrenni við hótelið. Skoðunarferðir í hestvagni um sveitina (6,5 km). Næsti þéttbýlisstaður: Hella (17 km) þar sem er jarðhitasundlaug, verslanir, veitingastaðir og ýmis önnur þjónusta við ferðafólk.

 
Skoðunarferðir um Gljána, Ægisíðufoss, Djúpósstífla

Hótel VOS er í aðeins 3 km fjarlægð frá ströndinni þar sem þungar öldur Atlantshafs falla að Gljánni, svartri sandströnd. Í boði eru ferðir með leiðsögumanni um Gljána og þeir, sem áhuga hafa, geta spreytt sig á því að veiða háf. Ytri Rangá/Hólsá er ein af bestu laxveiðiám á Íslandi og frá Hótel VOS eru um 13 km að Ægisíðufossi í Ytri-Rangá. Stíflan á ármótum Ytri-Rangár, Þverár og Hólsár, Djúpósstífla (7,4 km), var reist árið 1922. Fram að því hafði byggðin í Þykkvabæ verið nánast eins og á eyju en þegar árfarveginum var breytt urðu tímamót í samgöngum á landi og aðstæður í Þykkabæ gjörbreyttust.

 
Náttúruperlur og söguslóðir Njálu

Hótel VOS er miðsvæðis á Suðurlandsundirlendi og þaðan bjóðast fjölbreyttir möguleikar til skoðunarferða um þetta víðlenda svæði þar sem er að finna margar af kunnustu náttúruperlum á Íslandi. Frá Hellu (17 km) eru í boði daglegar áætlunarferðir til Þórsmerkur. Söguslóðir Njálu eru innan seilingar á Hvolsvelli (27 km) þar sem má heimsækja Sögusetrið. Frá Hvolsvelli er falleg ökuleið inn með Fljótshlíð eða má halda eftir hringveginum í austur að Seljalandsfossi (54 km). Frá Seljalandsfossi er svo 27 km akstur undir Eyjafjöllum og Eyjafjallajökli að Skógafossi og hinu einstæða byggða- og samgöngusafni á Skógum.

 
Þingvellir, Gullfoss og Geysir, Vestmannaeyjar

Hæfilegar dagsferðir frá hótelinu eru t.d. í þjóðgarðinn á Þingvöllum (96 km), á hverasvæðið við Geysi og að Gullfossi (94 km/100 km). Í Þjórsárdal, við rætur Heklu (80 km) eru freistandi gönguleiðir og tilvalið að skoða Sögualdarbæinn. Frá Landeyjahöfn (57 km) má taka ferju til Vestmannaeyja og siglingin tekur um 35 mín. Í Eyjum eru m.a. í boði bátsferðir um hinn sérstæða töfraheima þessara hömróttu útvarða Íslands í suðri og heimsókn í Eldheima, safn helgað gosinu í Heimaey árið 1973, er áhrifarík upplifun.


Hosts:  Gyða Árný og Hallgrímur.

 

In the area