Í landi Ægissíðu við Hellu hafa fundist 12 manngerðir hellar sem talið er að séu jafnvel eldri en landnám Íslands.

Upplifðu þessa einstöku hella, heyrðu tilgáturnar og skoðaðu krossa, veggjaristur, myndir, syllur og innhöggvin sæti. Heimsókn í hellana er bæði fræðandi og heillandi afþreying sem hentar allri fjölskyldunni og í hvaða veðrum sem er.

Komdu í ævintýraferð um undirheimana en mikill leyndardómur umlykur hellana og öldum saman hefur fólk velt fyrir sér hversu gamlir þeir séu og hvort þeir séu mögulega gerðir af pöpum.