Vök Baths eru heitar náttúrlaugar við Urriðavatn, í einungis 5 km fjarlægð frá Egilsstöðum. Heita vatnið í laugunum kemur úr borholum djúpt undan Urriðavatni. Laugarnar eru fullkominn áningarstaður allra þeirra sem vilja upplifa beina snertingu við náttúruna og næra um leið líkama og sál. Í boði eru heitar laugar, gufubað og kaldur pottur við strönd vatnsins. Opið allt árið.