Fossatún í Borgarfirði



Fossatún í Borgarfirði

Gististaður með fallegu útsýni á bökkum Grímsár, hjá Tröllafossum fyrir neðan mynni Lundarreykjadals í Borgarfirði, aðeins 90 km frá Reykjavík. Tilvalinn kostur fyrir þá sem hafa áhuga á þjóðsagnaheimi trölla og íslenskri og erlendri dægurtónlist fyrr og nú. Fossatún er miðsvæðis í Borgarfirði og hentar vel til skoðunarferða um héraðið. Opið allt árið.

Frá:11,900 EURkr
hver nótt á herbergi
Veldu dagsetningar
Senda fyrirspurn

Þjónusta

  • Sameiginlegt baðherbergi
  • Sér baðherbergi
  • Fjölskylduherbergi 3+
  • Frítt netsamband
  • Aðgangur að nettengdri tölvu
  • Heitur pottur
  • Veitingastaður
  • Vínveitingar
  • Máltíðir í boði
  • Eldunaraðstaða
  • Aðstaða fyrir fatlaða
  • Kreditkort
  • Leiksvæði fyrir börn
  • Merktar gönguleiðir

Í nágrenni

  • Tröllagarðurinn
  • Sundlaug Hreppslaug 5 km
  • Reykholt 7 km
  • Hvanneyri 11 km
  • Deildartunguhver 14 km
  • Borgarnes 18 km
  • Hraunfossar 37 km

Gistiaðstaða

Tólf herbergi með sérbaðherbergi í 2 sérhúsum, öll með fallegu útsýni yfir Grímsá, Tröllafossa eða í átt til Skarðsheiðar. Einnig fjögur herbergi með sameiginlegu baðherbergi í 120 m2 sérhúsi skammt frá. 22" sjónvarp með DVD spilara er í þessum herbergjum og 32" sjónvarp og DVD spilari í stofu. Eldhús og stofa, þvottavél, þurrkari og pallur. Aðstaða fyrir fatlaða.

Í sumarhúsinu "Sunset Cottage" (42m2) eru 2 svefnherbergi með tveimur svefnherbergjum (annað með hjónarúmi), baðherbergi og eldhúsi. Húsið er staðsett 150 m frá þjónustuhúsinu og 50 m frá heitu pottunum.
 
Gisting í svefnpokaplássi í 5x2ja manna poddum (e. camping pods), sem eru með aðgengi að snyrtingu, eldunaraðstöðu og heitum pottum.

Þjónusta

Fullbúið eldhús er fyrir þá gesti sem dvelja í herbergjum sem deila baðherbergi. Verslun á bænum. Máltíðir og/eða léttar veitingar og vínveitingar í veitingahúsinu Kaffi Vínil sem stendur við Tröllafossa þar sem má sjá hina brosandi tröllkonu Drífu sem er aðalsögupersóna sögunnar Tryggðatröll. Á boðstólum er fjölbreyttur matseðill gómsætra rétta fyrir einstaklinga og hópa.

Góð funda- og ráðstefnuaðstaða. Gönguleiðir. Leiksvæði fyrir börn.

Matargestum á Kaffi Vínil stendur til boða að horfa á sýninguna Hljómfagra Ísland, en í henni er íslensk tónlist og íslenskar náttúrumyndir settar saman af einstakri natni og smekkvísi og það verður skiljanlegt hvers vegna tónlist og náttúra eiga sér bústað hlið við hlið í íslenskri þjóðarsál. Í veitingahúsinu er til sýnis stórt og fjölbreytt safn af vínilplötum sem gestum er velkomið að skoða og hlusta á.

Í anddyri veitingahússins er að finna móttöku fyrir allt svæðið auk afgreiðslu fyrir kaffihúsaveitingar, kökur, kaldar samlokur, ís, pylsur, gos ofl. Þar er nettengd tölva og þráðlaust netsamband, miðlun upplýsinga, útlán leiktækja og ýmis önnur þjónusta við gesti Fossatúns. Frábær afþreyingar- og leikaðstaða fyrir börn, unglinga og fullorðna.

Ókeypis þráðlaust netsamband í öllum rýmum.

Afþreying

Tröllagarðurinn
Staðahaldarinn, Steinar Berg, hefur sérhæft sig í skrifum tröllasagna, sem myndskreyttar eru af Brian Pilkington. Tröllagangan er gönguleið sem liðast upp Stekkjarás, meðfram bökkum Grímsár og til baka að veitingahúsinu. Hægt er að fara stuttan hring, 10-15 mín með viðdvöl á nokkrum stöðum, eða stærri hring í 30-60 mín. Gestum gefst kostur á að skoða sögusvið tröllasagna, myndir og styttur af tröllum, fræðast nánar um þátt þeirra í þjóðsögunum, kynnast örnefnum, læra að umgangast tröll og losna við allar áhyggjur vegna þeirra! Rúsínan í pylsuendanum er svo að fara í tröllaleiki og keppa í tröllaþrautum, t.d. tröllataki, tröllatogi, tröllasparki, tröllaorðum, tröllafeti, tröllaparís o.fl.

Hestaferðir fyrir fólk á öllum aldri á Ölvaldsstöðum skammt frá Borgarnesi (17 km). 9 holu golfvöllur í Nesi í Reykholtsdal (7 km) og 18 holu golfvöllur, Hamarsvöllur, hjá Borgarnesi. Næsta sundlaug á Kleppjárnsreykjum (5 km). Næsta þéttbýli er Borgarnes þar sem eru matsölu- og veitingastaðir, verslanir, söfn, sundlaug og ýmis önnur þjónusta við ferðafólk.

Gestgjafar: Steinar Berg og Ingibjörg

 

In the area