Bæklingar



Við leggjum aukna áherslu á rafræna útgáfu í starfsemi okkar vegna umhverfisáhrifa og markmiða okkar um að lágmarka áhrif sem starfsemi okkar kann að hafa á umhverfið og samfélagið.

Ákveðið var að hætta útgáfu Upp í sveit bæklingsins sem síðast kom út árið 2015 sem má skoða rafrænt í tengli fyrir neðan. 

Bæklingur Upp í Sveit 2015

Bæklingurinn gefur upplýsingar um 183 ferðaþjónustubæi innan vébanda Ferðaþjónustu bænda ( Hey Iceland um land allt sem bjóða upp á fjölbreytta gistingu, afþreyingu við allra hæfi og máltíðir að hætti heimamanna.

Gistingin er fjölbreytt og má þar nefna gistihús bænda, sveitahótel, heimagistingu og sumarhús. Þá eru afþreyingarmöguleikar aldrei langt undan og má t.d. nefna merktar gönguleiðir, hestaferðir / hestasýningar, golf, veiði, fjórhjólaferðir, kynningu á sveitastörfum og afslöppun í heitum potti.

Í bæklingnum er einnig að finna upplýsingar um bæi sem eru þátttakendur í verkefni Bændasamtakanna um Opinn landbúnað þar sem kostur gefst á að kynnst nútímabúskap og fjölbreyttri starfsemi í sveitum landsins. Markmiðið er að koma á framfæri því besta sem sveitin hefur upp á að bjóða fyrir ferðamenn.

Skoða bækling rafrænt