Bitra við Selfoss



Bitra við Selfoss

Notalegt, fjölskyldurekið gistiheimili við þjóðveg nr. 1 skammt frá Selfossi og í aðeins 40 mín. akstur frá Reykjavík. Herbergi með sameiginlegu eða sérbaði. Hlýlegt umhverfi í blómlegu landbúnaðarhéraði með fallegri fjallasýn Góð staðsetning til skoðunarferða um sunnanvert landið. Opið frá 1. febrúar til 20. nóvember. 

Frá:10,000 EURkr
hver nótt á herbergi
Veldu dagsetningar
Senda fyrirspurn

Þjónusta

  • Sameiginlegt baðherbergi
  • Sér baðherbergi
  • Fjölskylduherbergi 3+
  • Frítt netsamband
  • Kreditkort
  • Opnir miðar

Í nágrenni

  • Urriðafoss 6 km
  • Jarðhitasundlaug og veitingastaðir á Selfossi 15 km
  • Skálholt 31 km
  • Sögusetur á Hvolsvelli 36 km
  • Flúðasigling 49 km
  • Laugarvatn Fontana Spa heilsulind 54 km 
  • Geysir 58 km
  • Þingvellir 59 km
  • Gullfoss 61 km

Gistiaðstaða

Herbergi með sameiginlegu eða sérbaði, eins eða tveggja manna herbergi og fjölskylduherbergi. Rúmgóð verönd með grillaðstöðu.

 
Veitingar/máltíðir

Morgunverður er innifalinn í gistiverði. Aðrar máltíðir í boði fyrir hópa ef pantað er fyrirfram. Næstu matsölu- og veitingastaðir eru á Selfossi (13 km) og á gistiheimilinu í Vatnsholti (14 km), Hótel Heklu (11 km) og á Hestakránni (15 km.).

 
Þjónusta/afþreying

Hestaferðir eru í boði á nokkrum stöðum í héraðinu, t.d. frá Hestakránni hjá bænum Húsatóftum (13 km) og frá bænum Hestheimum, austan við Þjórsá (14 km). Safn um álfa, tröll og norðurljós (Icelandic Wonders Museum) og kajakasiglingar í þorpinu Stokkseyri, niður við ströndina (27 km). Flúðasiglingar á Hvítá (49 km). Hveragarðurinn í gróðurhúsaþorpinu Hveragerði (26 km). Sögusetrið á Hvolsvelli (40 km). Á Selfossi (13 km) er góð sundlaug með barnasundlaug, rennibraut og leiktækjum. Önnur minni en góð sundlaug er í Brautarholti, spölkorn áður en komið er að Hestakránni (13 km). 9 holu golfvöllur við Selfoss (13 km) og 18 holu golfvöllur á Strönd (29 km), mitt á milli þorpanna Hellu og Hvolsvallar.

 
Kunnar náttúruperlur, Geysir, Gullfoss, Þjórsárdalur

Gistiheimilið Bitra er við þjóðveg nr. 1 þar sem hann liggur frá Selfossi austur um stærsta samfellda undirlendi á Íslandi og mikið landbúnaðar- og ylræktarhérað. Héðan liggja vegir til allra átta og í dagsferðum frá Bitru má heimsækja og skoða allar kunnustu náttúruperlur á sunnanverðu Íslandi. Skammt frá Bitru liggur vegur inn til landsins og uppsveita héraðsins (nr. 30) þar sem eldfjallið Hekla gnæfir við himin. Hér bíða ferðamannsins heimskunnir staðir eins og jarðhitasvæðið við Geysi (58 km) og Gullfoss (61 km) og yndislegar náttúru- og útivistarperlur eins og Þjórsárdalur (52 km).

 
Skálholt, Laugarvatn Fontana Spa, þjóðgarðurinn á Þingvöllum

Af vegi nr. 30 liggur vegur nr. 31 að Skálholti, sögufrægum stað þar sem var biskups- og menntasetur í 7 aldir (31 km). Frá Skálholti er tilvalið að aka til Laugarvatns (54 km frá Bitru) þar sem er vinsælt heilsubað, Laugarvatn Fontana Spa. Eftir að hafa slakað á í heitri jarðhitalaug liggur svo leiðin til þjóðgarðsins á Þingvöllum (25 km frá Laugarvatni; 59 km frá Bitru), einstakrar náttúruperlu þar sem er söguríkasti staður á Íslandi, staðurinn þar sem hið forna Alþingi var sett á stofn 930, kristni var tekin í lög árið 1000 og íslenska lýðveldið var stofnað 17. júní 1944.

 
Eyjafjallajökull, Seljalandsfoss, Skógafoss, Vestmannaeyjar

Skammt austan við Bitru er ekið yfir jökulfljótið Þjórsá. Þar blasir Eyja¬fjallajökull við í austri og ferðamannsins bíða kunnir staðir eins og Seljalandsfoss (57 km) og Skógafoss (83 km). Frá þorpinu Hvolsvelli (36 km) eru í boði daglegar ferðir á sumrin inn í útivistar- og náttúruparadísina Þórsmörk. Niður við ströndina, 31 km frá Hvolsvelli, er Landeyjahöfn þaðan sem eru ferjusiglingar (35 mín) til Vestmannaeyja. Í dagsferð til eyjanna, þar sem er blómlegur útgerðarbær í einstöku umhverfi, má m.a. skoða áhrifaríkt safn um eldgosið í útjaðri bæjarins árið 1973 og afleiðingar þess.

 

Gestgjafar: Vignir og Sigurbjörg. 

 

In the area