Ferðaþjónustan Svalbarðsskóla



Ferðaþjónustan Svalbarðsskóla

Gisting í fyrrum skólahúsinu að Svalbarði í Þistilfirði á Norðausturlandi. Herbergi með sér- og sameiginlegu baðherbergi, eldunaraðstaða og rúmgott sameiginlegt rými. Fallegar gönguleiðir niðri við ströndina. Góð staðsetning fyrir skoðunarferðir um næstu byggðir. Opið 1. júní til 30. september. 

Veldu dagsetningar
Frá:0 kr.
hver nótt á herbergi
Senda fyrirspurn

Þjónusta

  • Sameiginlegt baðherbergi
  • Sér baðherbergi
  • Fjölskylduherbergi 3+
  • Frítt netsamband svæðisbundið
  • Eldunaraðstaða
  • Kreditkort

In the area

  • Fræðasetur um forystufé
  • Ríkulegt fuglalíf
  • Þórshöfn 27 km
  • Kópasker 48 km
  • Rifstangi, nyrsti tangi Íslands
  • Jökulsárgljúfur 74 km
  • Mývatn 156 km


Gistiaðstaða

Gisting í þremur herbergjum í fyrrum skólahúsinu að Svalbarði. Eitt 2ja manna herbergi með sérbaði og tvö herbergi með sameiginlegu baðherbergi (1x2ja manna með möguleika á aukarúmi og 1x6 manna herbergi). Rúmgott sameiginlegt rými. Eldunaraðstaða. Ókeypis þráðlaust netsamband. 

 

Veitingar/máltíðir

Morgunverður er borinn fram í Svalbarðsskóla. Eldunaraðstaða er í boði fyrir gesti. Næsta verslun og veitingastaður er á Þórshöfn (27 km). 

 
Þjónusta/afþreying

Gestgjafar leggja áherslu á persónulega þjónustu. Veiðileyfi í ám og vötnum. Fræðasetrið um forystufé [The Leader-sheep Breed Centre] er einnig staðsett á Svalbarði en þar má fræðast um íslenska forystuféð, einstakan sauðfjárstofn sem finnst hvergi annars staðar í heimunum. Gamla prestssetrið á Sauðanesi, steinhús frá 1879, er opið ferðamönnum á sumrin (34 km). Næsta þéttbýli með verslun, matsölustað, sundlaug (innisundlaug), upplýsingamiðstöð fyrir ferðamenn og ýmissi annarri þjónustu: Þórshöfn (27 km).

 
Njótið náttúrunnar á norðurslóðum

Héruðin á norðausturhorni Íslands, frá Vopnafirði til og með Melrakkasléttu, eru landsvæði sem margir ferðamenn láta undir höfuð leggjast heimsækja. Hér er þó eftir mörgu að slægjast, ekki síst fyrir þá sem hafa ánægju af skoðunarferðum á göngu um óspillta náttúru, heiðardali, fjöll og meðfram strandlengju sem öldur Norður-Atlantshafs hafa mótað á sinn listilega hátt. Þá er gaman að kynnast mannlífi í litlum sjávarþorpum við ströndina eða upplifa stemninguna í eyðibyggðum, njóta kyrrðar með náttúrunni í þessum heimi norðursins sem býr yfir sinni sérstöku fegurð.

 
Fjölbreyttar gönguleiðir – Rauðanes, Langanes

Af gönguleiðum í grennd við Svalbarðsskóla má nefna stikaða leið út á tangann Rauðanes (8 km). Þetta er falleg gönguleið, nokkuð auðveld yfirferðar og margt að sjá, m.a. sérstæðar klettamyndanir við odda tangans (Stakka). Langanes, skaginn langi sunnan fjarðarins, er sannkölluð útivistarparadís þar sem eru óteljandi möguleikar til gönguferða og náttúruskoðunar.

 
Langanes, Skoruvíkurbjarg, Skálar

Ferð um útnesið er ógleymanlegt ævintýri. Þar er m.a. Skoruvíkurbjarg, mikið hamrastál þar sem komið hefur verið fyrir útsýnispalli svo að fólk geti virt fyrir sér eitt mesta súluvarp á Íslandi í klettinum „Stóra-karli“. Ágætur akvegur er 14 km út með Langanesi frá Þórshöfn en eftir það hentar vegurinn einungis 4x4 um 22 km leið að Skoruvíkurbjargi. Þaðan má svo aka að Skálum á austanverðu nesinu (8 km), stað við ysta haf þar sem var blómlegt útgerðarþorp á árunum 1910-1946 en stendur nú ekkert eftir til minja um ysinn og þysinn nema bryggjustúfur í fjörunni.


Gestgjafar: Bjarnveig og Skúli.

 

In the area