Keldunes II í Kelduhverfi



Keldunes II í Kelduhverfi

Dettifoss, Ásbyrgi, Jökulsárgljúfur: Keldunes II er gististaður þeirra sem hafa hug á að kanna nyrsta hluta Vatnajökulsþjóðgarðs, landsvæði sem gagntekur náttúruunnendur með stórbrotinni og seiðandi náttúrufegurð. Keldunes stendur á grasi grónu sléttlendi hjá litlu stöðuvatni ofan við svarta sanda við Öxarfjörð, á norðaustanverðu Íslandi, 47 km frá bænum Húsavík. Opið allt árið. 

Frá:18.900kr
hver nótt
Veldu dagsetningar
Senda fyrirspurn

Þjónusta

  • Sameiginlegt baðherbergi með vaski
  • Sér baðherbergi
  • Bústaður
  • Hefðbundinn búskapur
  • Frítt netsamband svæðisbundið
  • Heitur pottur
  • Máltíðir í boði
  • Eldunaraðstaða
  • Kreditkort
  • Merktar gönguleiðir
  • Opnir miðar

Í nágrenni

  • Jökulsárgljúfur 11.5 km
  • Ásbyrgi og Hljóðaklettar
  • Sundlaug 13 km
  • Dettifoss 40 km
  • Hvalaskoðun frá Húsavík 50 km

Gistiaðstaða

6x2 herbergi með handlaug og sameiginlegu baðherbergi og 1x2 herbergi með sérbaði í tveggja hæða gistihúsi með eldhúsi, mat- og setustofu og þvottahúsi. Tveggja manna gisting í tveimur smáhýsum (16m2) með sérbaði og eldunaraðstöðu. Gestir hafa aðgang að heitum potti í sérstöku baðhúsi. Ókeypis þráðlaust netsamband.

 
Matur, veitingar

Eldunaraðstaða í gistihúsi og smáhýsum. Grillaðstaða á stórri verönd við gistihúsið. Máltíðir í boði ef pantað er fyrirfram.

 
Þjónusta, afþreying

Veiðileyfi seld í Skjálftavatni. Fjölskrúðugt fuglalíf við vatnið. Næsta verslun við Ásbyrgi (8 km) og á Húsavík (47 km). Kaffihús í Gljúfrastofu, þjónustumiðstöð þjóðgarðsins (8km), og veitingasala í Skúlagarði (2 km). 9 holu golfvöllur hjá Ásbyrgi (8km). Næsta sundlaug, Lundur (13 km). Hvalaskoðunarferðir frá Húsavík (47 km). Gæsa- og rjúpnaveiði á veiðitímabilum.

 
Þar sem landið og hafið mætast

Keldunes er skammt frá Skjálftavatni á sléttlendinu upp af botni Öxarfjarðar þar sem skiptast á svartir sandar, grænar flatir, árkvíslar og vötn. Fögur útsýn yfir vatnið, til hafs og til heiða og fjalla sem má njóta á veröndinni við gistihúsið eða á gönguferðum um nágrennið.

 
Vatnajökulsþjóðgarður – Norðursvæði:
Ásbyrgi og Jökulsárgljúfur, Dettifoss

Gestastofa og upplýsingamiðstöð þjóðgarðsins á norðursvæði er í Ásbyrgi (8 km). Ásbyrgi og Jökulsárgljúfur með Hafragilsfossi, Dettifossi og Selfossi eru eitthvert stórkostlegasta náttúrufyrirbæri á Íslandi. Um svæðið liggja fjölmargar merktar gönguleiðir, miserfiðar, allt frá 30 mín. skemmtigöngu upp í 2ja daga ferðir. Malarvegur, akfær öllum bílum, liggur frá Kelduhverfi upp með Jökulsárgljúfrum innan þjóðgarðsins vestan megin suður á þjóðveg 1. Einnig er hægt að aka upp með Jökulsá austan megin og skoða Dettifoss af austurbakka gljúfursins. Daglegar áætlunarferðir yfir sumarið frá Ásbyrgi í Vesturdal, einn þekktasta staðinn í gljúfrunum, og að Dettifossi vestan megin.

 
Hvalaskoðun, hestaleiga, Núpasveit

Á Húsavík (47 km) gefst tækifæri til að upplifa ógleymanlegt stefnumót við stórhveli í hvalaskoðunarferð um flóann Skjálfanda. Í bænum er einnig áhugavert safn um hvali og lifnaðarhætti þeirra. Rétt sunnan við Húsavík er hestaleiga í Saltvík. Frá Keldunesi er einnig áhugavert að bregða sér í skoðunarferð um Núpasveit, austan megin Öxarfjarðar, til þorpsins Kópaskers.

 

In the area