Ytra Lón á Langanesi



Ytra Lón á Langanesi

Snyrtilegt gistiheimili 14 km út með ströndinni í norður frá þorpinu Þórshöfn, á Langanesi á Norðaustur-Íslandi, langt frá ys og þys borgarlífsins (638 km frá Reykjavík). Útivistarparadís fyrir náttúruunnendur, göngufólk og fuglaskoðara. Herbergi með sérbaði og stúdíóíbúðir. Heitur pottur. Kaffibar og fullbúið gestaeldhús. Göngu- og fuglaskoðunarferðir með leiðsögn. Opið allt árið.

Veldu dagsetningar
Frá:kr.
hver nótt á herbergi
Bóka núna

Þjónusta

  • Sér baðherbergi
  • Íbúð
  • Wi-Fi
  • Heitur pottur
  • Eldunaraðstaða
  • Merktar gönguleiðir
  • Norðurljósaþjónusta
  • Gæludýr leyfð
  • Veiði / veiðileyfi

Í nágrenni

  • Ríkulegt fuglalíf
  • Þórshöfn 14 km
  • Skoruvíkurbjarg 22 km
  • Fræðasetur um forystufé 42 km
  • Heimskautsgerðið á raufarhöfn 76 km
  • Selárdalslaug 79 km
  • Kópasker 85 km

Gistiaðstaða

6x 2ja manna herbergi með baði og 3x 2ja manna stúdíóíbúðir með möguleika á aukarúmi. Herbergin eru innréttuð á einfaldan hátt með lítilli eldunaraðstöðu og í flestum herbergjum er sjónvarp. Sameiginleg sjónvarpsstofa og verönd með garðhúsgögnum og grillaðstöðu. Heitur nuddpottur. Herbergin eru innréttuð á einfaldan hátt með lítilli eldunaraðstöðu og í flestum herbergjum er sjónvarp. Sameiginleg sjónvarpsstofa og verönd með garðhúsgögnum og grillaðstöðu. Heitur nuddpottur.

Gæludýr eru leyfð í ákveðnum herbergjum/íbúðum og því mikilvægt að láta vita fyrirfram ef þau eru með í för.

Veitingar/máltíðir

Veitingastaðurinn býður upp á matseðil með afurðum beint frá býli, silung veiddan í lóninu og lamb. Morgunmatur og kvöldmatur í boði. Kaffihús og bar opinn frá klukkan fjögur. Næsta kjörbúð er í Þórshöfn (14 km). Á Þórshöfn er einnig veitingastaðurinn Báran með fjölbreyttum matseðli.

Þjónusta/afþreying

Á Ytra-Lóni er sauðfjárbú og gestum er velkomið að fylgjast með störfum bænda við búskapinn. Gistiheimilið býður gönguferðir og fuglaskoðunarferðir með akstri og leiðsögn út á Langanes og um nágrennið. Boðið er upp á ferðir að Skoruvíkurbjargi á Langanesi, næststærstu súlubyggðar á Íslandi, og út á ystu tá nessins. Einnig er í boði akstur með fólk og trúss hvort sem er á upphafsstað göngu eða í lok göngu um stórbrotna náttúru og eyðibyggðir á þessum slóðum. Silungsveiði í lóni við bæinn án endurgjalds. Seld veiðileyfi í Lónsá, sjóbleikju- og sjóbirtingsá. Á haustin geta gestir farið í gæsaveiði á góðu verði í grennd við bæinn. Leiksvæði fyrir börn. Heitur nuddpottur á verönd við gistiheimilið þar sem er einstök upplifun á vetrarkvöldum að skoða stjörnur- og norðurljósin þegar þeirra nýtur. Næsta þéttbýli með allri almennri þjónustu, góðri innisundlaug, matvöruverslun, veitingastað, upplýsingamiðstöð fyrir ferðamenn, heilsugæslu og apóteki: Þórshöfn (14 km).

Fjarri skarkala umheimsins – paradís náttúruunnenda

Bærinn Ytra-Lón er við veg nr. 869, 14 km norðaustur af fiskimanna-þorpinu Þórshöfn, á leiðinni út á skagann Langanes (264 km akstur frá höfuðstað Norðurlands, Akureyri, 176 km frá Egilsstöðum á Héraði og 163 km frá Húsavík við Skjálfanda). Ósnortin náttúra og kyrrð bíða gesta á Ytra Lóni þar sem eru fjölbreyttir möguleikar til göngu- og skoðunarferða á eigin vegum auk þess sem gistiheimilið býður gestum auk upplýsinga- og trússferðaþjónustu m.a. ferðir með leiðsögn, t.d. út á hin miklu fuglabjörg yst á Langanesi.

Langanes, Skoruvíkurbjarg, Skálar


Ferð út á Langanes er einstök upplifun. Þar er m.a. Skoruvíkurbjarg, mikið hamrastál þar sem komið hefur verið fyrir útsýnispalli svo að fólk getur virt fyrir sér eitt mesta súluvarp á Íslandi í klettinum „Stóra-karli". Ágætur akvegur er frá Þórshöfn að Ytra-Lóni en eftir það hentar vegurinn einungis 4x4 um 22 km leið að Skoruvíkurbjargi. Frá bjarginu má svo aka eða ganga að Skálum á austanverðu nesinu (8 km), stað við ysta haf þar sem var blómlegt útgerðarþorp á árunum 1910-1946 en stendur nú ekkert eftir til minja um mannlíf nema bryggjustúfur í fjörunni.

Sérstæður töfraheimur Norðaustur-Íslands

Héruðin á norðausturhorni Íslands, frá Vopnafirði til og með Melrakkasléttu, eru landsvæði sem margir ferðamenn láta undir höfuð leggjast heimsækja. Hér er þó eftir mörgu að slægjast, ekki síst fyrir þá sem hafa ánægju af skoðunarferðum á göngu um óspillta náttúru, heiðardali, fjöll og meðfram strandlengju sem öldur Norður-Atlantshafs hafa mótað á sinn listilega hátt, t.d. á Melrakkasléttu. Lítil sjávarþorp taka vel á móti ferðamönnum og aldrei þarf langt að fara til að njóta kyrrðar með náttúrunni í þessum heimi norðursins sem er hvort tveggja í senn, hrjúfur og seiðandi, og býr yfir sinni sérstöku fegurð bæði á sumrin og veturna.

 

í nágrenni