Réttarferð í Miðfjörðinn



Réttarferð í Miðfjörðinn

Trúlega hafa göngur og réttir breyst minna í tímanna rás en flestir aðrir þættir íslenskrar bændamenningar. Það að smala búfé bænda úr sumarhögum á hálendinu og draga það í dilka var og er eingöngu mögulegt með sameiginlegu átaki allra í sveitinni og úr því þróaðist viðburður þar sem flestir íbúar ákveðins landsvæðis komu saman. Þannig er það enn í dag. Við bjóðum gestum að upplifa og taka þátt í árlegum en einstökum viðburði.

Ferðin felur í sér nokkra göngu en ætti að henta öllum aldurshópum.

Fararstjóri: Brigitte Visbeck

2. - 5. september 2021

Veldu dagsetningu
Frá:kr.
á mann / hver dvöl
Bóka

Innifalið

  • Fjögurra daga ferð í réttir og aðdraganda rétta
  • Gisting í gistihúsi á Brekkulæk í eins eða tveggja manna herbergjum með sameiginlegu baði. Gistihúsið er aðeins í 600 m fjarlægð frá réttinni
  • Matur eins og tiltekið er í ferðalýsingu
  • Akstur á móts við gangnamenn á öðrum degi
  • Akstur á réttarballið

    Ekki innifalið: Aðgangur á réttarballið

Taktu með

  • Góðir gönguskór
  • Hlífðarfatnaður
  • Vatnsflaska eða lítill kaffibrúsi
  • Dagpoki
  • Göngustafir fyrir þá sem vilja
  • Ef til vill gúmmístígvél til að nota í réttunum

Ferðalýsing

2. september │ fimmtudagur

Þátttakendur koma á eigin vegum að Brekkulæk í Miðfirði fyrir kl. 19:00. Kvöldmatur og farið yfir verkefni næstu tveggja daga.

  • Kvöldmatur

3. september │ föstudagur

Morgunmatur kl. 8:30. Farið úr húsi eftir morgunverð. Tíminn ræðst nokkuð af veðri á hálendinu og hvenær gangnamenn gátu hafið leitir. Við förum með rútu rúma 20 km inn Núpsdal og göngum síðan ca 5 km á móts við gangnamenn. Áð þar sem gangnamenn koma ofan af hálendinu með safnið og gangnamenn og gestir fá sér hressingu. Síðan er hrossastóð og sauðfé aðskilið og nokkrir menn reka stóðið til réttar. Aðrir gangnamenn reka sauðfjársafnið í næturhólf ca 5 km neðar í dalnum og gestir hjálpa til eftir getu og vilja. Kvöldmatur og gisting á Brekkulæk. 

  • Morgunmatur
  • Nesti
  • Kvöldmatur

4. september │ laugardagur

Í dag er Réttardagurinn. Í stóðréttinni verða réttuð ca 250 -300 hross og í fjárréttinni ca 10.000 fjár. Stóðréttir hefjast kl. 9:00 og er lokið upp úr kl. 11:30. Fjársafnið kemur síðan í réttina um kl. 12:30 og fjárréttir byrja kl. 13.00. Aðstoð er alltaf vel þegin við réttarstörfin. Kvöldmatur og gisting á Brekkulæk. Að sjálfsögðu er síðan réttarball í félagsheimilinu og fer rúta á milli eftir þörfum.

  • Morgunmatur
  • Hádegismatur
  • Kvöldmatur
Opna allt

5. september │ sunnudagur

Morgunmatur og heimferð á eigin vegum.

  • Morgunmatur
 

í nágrenni